Rriten për herë të parë në 5 vite çmimet e fruta-perimeve në Mbretërinë e Bashkuar

Dimri jashtëzakonisht i ftohtë i pasuar nga vala e nxehtësisë ka shtuar edhe koston e fruta-perimeve. Çmimet e ushqimoreve në Britani janë rritur për herë të parë në më shumë se pesë vjet pasi vala e nxehtësisë nxiti një  kosto më të lartë të frutave dhe perimeve.

Shifrat më të fundit të matësit mujor të inflacionit në Britani, BRC-Nielsen, tregojnë se çmimet e përgjithshme të dyqaneve u rritën 0.1 për qind në gusht, duke hyrë në territorin inflacionist për herë të parë që nga prilli 2013.

Inflacioni i ushqimit u rrit në një nivel shtatë mujor prej 1.9 për qind që ishte në gusht. Deflacioni i çmimeve jo ushqimore është ulur përsëri në 1 për qind në gusht, nga 1.4 për qind në korrik dhe është niveli më i ulët që nga prilli 2013.

Shifrat vijnë nga shqetësimet në rritje se ndoshta gjatë muajve të ardhshëm konsumatorët mund të përballen me një tronditje të çmimeve të ushqimeve. Qendra për Kërkime Ekonomike dhe Biznes (CEBR)  tha se çmimet e ushqimeve mund të rriten me të paktën 5 për qind si rezultat i dimrit jashtëzakonisht të ftohtë dhe nxehtësisë së verës në 2018.

CEBR tha se çmimet me shumicë të kapakëve të disa produkteve janë rritur deri në 80 për qind midis marsit dhe korrikut, veçanërisht për grurin, luleshtrydhet, dhe karotat. Fermerët gjithashtu janë goditur nga rritja e kostove të naftës dhe produkteve bujqësore në tregjet globale.

Të dhënat mujore treguan se inflacioni i ushqimit të freskët u rrit në 1.5 për qind në gusht, nga 1.2 për qind në korrik, ndërkohë që inflacioni i çmimeve për ushqimin e paketuar dhe të konservuar arriti në 2.5 për qind në gusht, nga 2.2 për qind në korrik.

e.t/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.