Rriten sërish çmimet e naftës – Pas rënies së “mprehtë” një ditë më parë. Vëmendja e tregjeve, në Kinë!
Çmimet e naftës u rritën të martën, pas një rënie të mprehtë prej 4% në seancën e mëparshme, pasi shqetësimet mbi kërkesën e Kinës për karburant u zbutën nga premtimi i bankës qendrore për të mbështetur një ekonomi të goditur nga frenimet e reja të COVID-19.
Kontratat e së ardhmes të naftës së papërpunuar Brent në Londër u rritën me 59 cent, ose 0.58%, në 102.91 dollarë për fuçi, ndërsa nafta amerikane u rrit me 34 cent, në 98,88 dollarë për fuçi.
Kina do të mbajë likuiditet të konsiderueshëm në tregjet financiare, tha Banka Popullore në një deklaratë të martën, një ditë pasi njoftoi një ulje të raportit të rezervës valutore të bankave për të mbështetur ekonominë.
Qeveria e qytetit të Pekinit zgjeroi testimin e saj masiv për COVID-19 nga një distrikt këtë javë në pjesën më të madhe të qytetit me afro 22 milionë banorë, ndërsa popullsia po përgatitej për një bllokim të afërt të ngjashëm me kufizimet e rrepta të Shangait.
Nga ana e ofertës, analistët thanë se heqja graduale e naftës ruse nga tregu do të vazhdojë të mbështesë çmimet.
Ndërkohë, analistët vlerësuan mesatarisht se inventarët e naftës së papërpunuar në SHBA ishin rritur me 2.2 milionë fuçi në javën deri më 22 prill. Stoqet e benzinës u rritën me rreth 500,000 fuçi javën e kaluar dhe inventarët e distilimeve, të cilat përfshijnë naftën pritej të ishin ulur me 600,000 fuçi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.