Rriten shpenzimet sociale – Peshën më të madhe e mban ndihma ekonomike

Pesha që zënë mbështetja me fonde sociale ka ardhur në rritje në buxhetin e shtetit.  Kështu vetëm për 4 mujorin e parë të këtij viti, fondi i shpërndarë  nga  shërbimet sociale arrin në vlerën e 23.3 miliardë lekëvë, ose 700 milion më tepër se e njëjta periudhë e një viti më parë.

Duke iu referuar statistikave të Ministrisë së Financave, rezulton se peshën më të madhe të këtyre fondeve e merr zëri i ndihmës ekonomike, për të cilin vetëm gjatë kësaj periudhë janë dhënë 20.5 miliardë lekë.

Ndërsa për zërin pagesë papunësie janë  akorduar 800 milion lekë. Por  parë në krahasim me të njëjtën periudhë të vitit të shkuar  këto fonde janë më të larta.

Në 4 mujorin e 2016, për ndihmën ekonomike nga buxheti u dhanë 19.8 miliardë lekë, ndërsa për  pagesë papunësie 850 milion lekë.

Në muajin Mars nisi  aplikimi  për ndihmë ekonomike me një skemë të re. Në fakt kjo skemë  ishte e re vetëm për 9 qarqe në vend, pasi për qarqet Tiranë, Durrës dhe Elbasan është vënë në jetë si projekt pilot që nga viti 2013 dhe vijohet po në të njëjtën formë.

Ndërkohë për të ulur numrin e abuzuesve në këtë skeme ministria e çështjeve sociale ka nisur një “aksion monitorimi”, ku do të ketë kontrolle në të gjitha rrethet. Në shumë raste , sidomos në vite elektorale ka patur rritje të abuzimeve me këtë skemë.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.