Rritet aktiviteti i biznesit në Eurozonë – Kompanitë janë optimiste për të ardhmen

Aktiviteti i biznesit në zonën e euros u zgjerua përsëri në Prill, treguan të dhënat paraprake të Premten, duke siguruar një moment pozitiv për tremujorin e dytë.

Vendet evropiane kanë rritur normat e tyre të vaksinimit, por disa kombe mbeten të bllokuara mes një vale të tretë të infeksioneve Covid-19.

PMI i përbërë i IHS Markit për zonën e euros, i cili shikon aktivitetin si në prodhim ashtu edhe në shërbime, arriti 53.7 në Prill kundrejt 53.2 në Mars. Një lexim mbi 50 përfaqëson një zgjerim në aktivitetin ekonomik.

Chris Ëilliamson, ekonomist kryesor i biznesit në IHS Markit tha për CNBC se “masat e kontrollit për të luftuar koronavirusin u forcuan në të vërtetë dhe normalisht ne do të prisnim që ritmi i aktivitetit ekonomik të dobësohej, por ka bërë të kundërtën”.

Ai shtoi se kompanitë ishin optimistë për të ardhmen dhe përgatiteshin për kohë më të mira përpara.

Analistët janë gjithashtu disi optimistë për muajt e ardhshëm ndërsa qeveritë përgatiten të lehtësojnë disa nga masat e bllokimit të Covid. Italia po hap pjesë të ekonomisë të hënën, Franca po konsideron një rihapje të kujdesshme nga mesi i majit dhe Greqia ka plane të hapet gjithashtu rreth asaj kohe.

D.B – SCAN
Burimi: CNBC

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.