Rritet aktiviteti i fabrikave në Europë. Mbështetja vjen nga Gjermania, por pritet ngadalësim prej karantinës
Fabrikat në Eurozonë kanë patur rritje të fortë të aktivitetit në Tetor, por rimëkëmbja nga kulmi i pandemisë është nxitur përsëri nga Gjermania. Në një tjetër problem për politikëbërësit, ç’ka vë në dukje divergjencën në rimëkëmbje, sektori i shërbimeve pësoi tkurrje, ndërkohë që vala e dytë e virusit goditi kontinentin. Ndërkohë që rastet me Covid-19 janë rritur ,Gjermani dhe Franca, dy ekonomitë më të mëdha të bllokut, kanë rivendosur masa të karantinës kombëtare, ç’ka pritet të sjellë një tjetër goditje për bizneset.
Megjithatë, indeksi PMI për Tetorin u rrit në 54.8 pikë, që është treguesi më i lartë që prej Korrikut 2018. Indeksi është një tregues i saktë i situatës ekonomike. Analistët thonë se Gjermania ka treguar një performancë spektakolare në muajt e fundit, por masat e prezantuara së fundmi, me shumë gjasa do të pengojnë rimëkëmbjen. Fabrikat gjermane patën një rritje rekord të porosive të reja në Tetor. Aktiviteti i manifakturës është rritur lehtë në Francë, por masat e reja të karantinës do të godasin përsëri sektorin.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.