Rritet bilanci i pasojave në Turqi – Të paktën 21 viktima dhe 1 mijë të plagosur! (FOTOT)
Sipas informacioneve të fundit të publikuara nga mediat turke, bilanci i pasojave në Turqi vazhdon të rritet duke regjistruar deri më tani të paktën 21 të vdekur dhe 1.015 të plagosur, ndërkohë që rreth 30 persona të tjerë kanë mbetur të bllokuar në rrënojat e ndërtesave të rrëzuara.
Ekipet e shpëtimit nga provincat fqinje janë dërguar në zonat e prekura, duke punuar në errësirë më anë të disa projektorëve ndriçues, ndërkohë që temperaturat janë shumë të ulëta. Ministri i Mbrojtjes Hulusi Akar tha që grupet e ndihmës ishin të gjitha në gatishmëri për të ndihmuar.
Sipas raportimeve zyrtare qindra banorë kanë mbetur pa shtëpi ose me shtëpi të dëmtuara.
Rreth 30 ndërtesa janë shembur nga tërmeti në dy provincat Elazig dhe Malatya, sipas Murat Kurum, Ministrit të Mjedisit.
Presidenti turk Rexhep Tajip Erdogan tha në Twitter se janë marrë të gjitha masat për “të siguruar që tërmeti që ndodhi në Elazig, i cili u ndje në shumë provinca është kapërcyer me më pak humbje”. (AP & Reuters)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.