Rritet çmimi i grurit rus / Ndjek çmimet në bursat ndërkombëtare prej kërkesës së fortë
Çmimet e eksportit të grurit nga Rusia janë rritur në 10 ditët e para të Majit, mbështetur nga çmimet më të larta në bursën e Chicagos dhe Parisit, prej shqetësimeve mbi ofertën dhe pavarësisht aktivitetit të ulët në treg gjatë pushimeve në Rusi. Gruri rus me 12.5% proteinë, i ngarkuar në portet e Detit të Zi për furnizim në Qershor, ishte 278 dollarë për ton (FOB) në fund të javës së kaluar, në rritje me 13 dollarë nga muaji Prill, sipas firmës së konsulencës mbi bujqësinë, Sovecon. “Aktiviteti i tregtimit në terminalet e eksportit ishte pranë zeros. Shumë tregtarë kanë qenë me pushime ndërsa fermerët kanë qenë të zënë. Megjithatë çmimet kanë vazhduar të rriten prej kërkesës më të fortë”- theksoi Sovecon. Moti qëndron i favorshëm për të korrat e ardhshme të grurit në Rusi. Ekspertët kanë ulur projeksionet për vitin 2021 në Rusi, me 500,000 ton në 79 milionë në total.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.