Rritet huadhënia në Eurozonë – BQE: Niveli më i lartë në 8 vite e gjysmë, agregati M3 vazhdon në rënie
Kreditë e bankave në Eurozonë ndaj kompanive dhe ekonomive familjare, janë rritur gjatë Nëntorit me normën më të shpejtë në tetë vite e gjysmë. Të dhënat nga Banka Qendrore Europiane tregojnë se zgjerimi ekonomik i bllokut të valutës së përbashkët ka rifituar vrull.
Institucioni në Frankfurt vendosi në muajin Tetor që të reduktojë stimujt, duke argumentuar se rimëkëmbja ekonomike është bërë më e qëndrueshme, e mbështetur nga konsumi dhe shpenzimet e korporatave. Huadhënia drejt kompanive financiare, u rrit me 3.1% në Nëntor, ndërsa drejt ekonomive familjare, me 2.8%, që në të dy rastet shënon nivelin më të lartë që prej mesit të 2009-ës. Shifrat janë sipër nivelit të muajit Tetor, ku pati gjithashtu rritje gjigante.
Rritja e agregatit të gjerë monetar M3, një tregues i ofertës së parasë, u ngadalësua për të dytin muaj radhazi, në 4.9%. Kjo ishte poshtë normës së Tetorit prej 5% dhe muajt Shtator prej 5.2%. Agregati M1, që përfshin valutën në qarkullim dhe depozitat 1-ditore (overnight), ra gjithashtu në 9.1%, nga 9.4% që qëndronte gjatë Tetorit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.