Rritet interesi të huajve për biznes në Shqipëri. Çfarë ka ndodhur këtë tremujor?

Shtohet ndjeshëm numri i shtetasve të huaj që kanë hyrë në vendin tonë gjatë muajit Mars të këtij viti. Nga studimi i fundit i INSTAT është vënë re një rritje e ndjeshme e hyrjeve për qëllime biznesi dhe profesionale.
Indikator shumë i rëndësishëm ky, që evidenton një zhvillim pozitiv të ekonomisë vendase.

Gjatë muajit Mars të vitit të kaluar, numri i individëve që ka hyrë në vendin tonë për qëllime biznesi ka qenë 6.477 persona ndërsa këtë vit arrin vlerën e 7.842 persona, duke shënuar kështu një rritje me rreth 21%.

Edhe në rang tre mujori, Janar-Mars të vitit 2018, kanë hyrë në Shqipëri 16.109 shtetas të huaj për qëllime profesionale ndërsa këtë vit kjo shifër ka kapur vlerën e 20.222 persona, me një rritje me rreth 26%.

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.