Rritet norma e interesit në SHBA – Zgjerimi me 0,75 pikë përqindje, për të frenuar inflacionin

Rezerva Federale rriti normën bazë të interesit me 0,75 pikë përqindje për të frenuar inflacionin dhe parashikoi një ngadalësim të ekonomisë dhe rritje të papunësisë në muajt në vijim. Rritja e normës ishte më e madhja e shpallur nga banka qendrore e SHBA që nga viti 1994 dhe erdhi pasi të dhënat e fundit treguan pak përparim në punën e saj për të kontrolluar një rritje të mprehtë të çmimeve.

Zyrtarët e bankës qendrore paralajmëruan gjithashtu një rrugë më të shpejtë të rritjes së normave, duke përafruar politikën monetare me një ndryshim të shpejtë këtë javë në pikëpamjet e tregut financiar për atë që do të duhet për të vënë nën kontroll presionet e çmimeve.

“Inflacioni mbetet në nivele të larta, duke reflektuar çekuilibrat e ofertës dhe kërkesës lidhur me pandeminë, çmimet më të larta të energjisë dhe presionet më të gjera të çmimeve,” tha Komiteti Federal i Tregut të Hapur të Bankës Qendrore në një deklaratë në fund të takimit të tij të fundit dyditor në Uashington. “Komiteti është i angazhuar fuqishëm për kthimin e inflacionit në objektivin e tij prej 2%. Deklarata citonte luftën në Ukrainë dhe politikat e bllokimit të Kinës si burime të presioneve shtesë të inflacionit.

Kreu i Fed, Jerome Powell, than ë një konferencë për mediat se politikëbërësit “arritën në mendimin” se duhej të bënin më shumë parapërgatitje për t’i çuar më shpejt normat në një interval më neutral.

Për më tepër, Powell tha se një rritje me tre të katërtat e pikes, ose gjysmë pikë përqindje do të ishte “me shumë gjasa” rezultati i duhur i takimit të ardhshëm të bankës qendrore në fund të korrikut. Me vendimin e fundit, norma bazë afatshkurtër e fondeve federale arriti në një interval prej 1.50% në 1.75%, dhe zyrtarët e Fed parashikuan se do të rritej në 3.4% deri në fund të këtij viti dhe në 3.8% në 2023.

Shtrëngimi i politikës monetare u shoqërua me një ulje të perspektivës ekonomike të Fed, me ekonominë që tani shihet duke u ngadalësuar në një normë rritjeje nën trendin prej 1.7% këtë vit, papunësia u parashikua të rritet në 3.7% deri në fund të këtij viti dhe 4.1% deri në vitin 2024.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.