Rritet numri i aksidenteve në muajin Janar – Në 74,6 % të rasteve, shkak drejtuesi i automjetit
Në muajin e parë të vitit 2018 numri i aksidenteve është rritur krahasuar me të njëjtën periudhë të një viti më parë. Kështu në Janar 2018 numërohen 134 aksidente rrugore nga 119 aksidente të ndodhur në Janar 2017, duke u rritur me 12,6 %.
Sipas të dhënave të INSTAT në Janar 2018, numri i të aksidentuarve është 175 persona nga 158 që ishte një vit më parë, duke u rritur me 10,8 %. Por nëse e krahasojmë me numrin mesatar të të aksidentuarve gjatë gjithë vitit 2017 ky numër është ulur me 19,6 %.
Po ashtu edhe numri i të plagosurve krahasuar me vitin e kaluar është ulur me 18,6 për qind. Ajo që vihet re është se muaji Janar ka një numër të lart të të aksidentuarve krahasuar me Janarin e 2017, duke shënuar 162 raste nga 136.
Në muajin Janar 2018 numri i të vdekurve nga aksidentet është 13 persona nga 22 që ishte një vit më parë për të njëjtën periudhë, duke u ulur me 40,9 %.
Në Janar 2018, aksidentet rrugore, në 74,6 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup mosha 45 – 60 vjeç, duke zënë 24,6% të numrit të aksidenteve rrugore duke u rritur me 50,0 krahasuar me të njëjtën periudhë të një viti më parë.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.