Rritet numri i shpendëve të ngordhura në Shqipëri – 3 qytete të vendit vendosen në karantinë

Nëpërmjet një njoftimi për shtyp Ministria e Bujqësisë dhe Zhvillimit Rural ka bwrw me dije se në shume vende te BE, si Franca, Gjermania, Polonia, Hungaria, Zvicra, Spanje, Italia, Greqia janë konfirmuar raste te pranisë se Influencës aviare ne shpendë te egër dhe ne stabilimente te rritjes se shpendëve.

“Kjo është një sëmundje e cila sot ka prekur të gjithë kontinentin europian dhe rregullat që po ndiqen në Shqipëri janë konform procedurave të Bashkimit Europian. Aktualisht prekshmërinë me te madhe e ka Franca ku janë prekur 540 stabilimente dhe kane ngordhur dhe eliminuar 72.000.000 shpendë”, shkruhet në njoftim.

Procedurat rregullatorë të BE-së për masat mbrojtëse kundër sëmundjes se influencës aviare janë vendosur edhe ne vendin tone (siç janë zona e mbrojtjes dhe e mbikëqyrjes 3 dhe 10 km.), Sëmundja e influences aviare është listuar ne 7 sëmundjet kryesore emergjente ne BE. Kjo sëmundje konsiderohet si sëmundje ndërkufitare ku janë te përcaktuar masat që duhet merren si ne kuadrin ligjor te BE ashtu dhe ne aktet tona ligjore.

“Dua të sigurojmë konsumatorët se nuk ka asnjë rast nga studimet e bëra qe sëmundja mund te transmetohet nga konsumimi i nënprodukteve e shpendëve. AKU është në terren në secilin subjekt tregtues mishi dhe po kontrollon çdo produkt për të garantuar sigurinë ushqimore,” ka shkruar Ministria e Bujqësisë.

Aktualisht zonat në karantinë janë:

• Durrës, perimetri me rreze 10 km në qarkun Durrës me qendër ne fshatin Rrashbull.
• Dibër, perimetri me rreze 10 km në qarkun Dibër me qendër ne fshatin Rrethkal(rasti pozitiv ne shpend oborri).
• Korçë, perimetri me rreze 10 në km qarkun Korçë me qendër ne fshatin Prespë te vogël(rasti pozitiv i pelikanit kaçurrel).

Deri tani janë raportuar te ngordhura 358 mijë e 520 shpendë nga të cilat. Vetëm ditën e djeshme janë groposur pothuajse 39 mijë shpendë. Është e rëndësishme të kuptojmë që proceset janë dinamike dhe këto shifra ndryshojnë me orë.

“Me identifikimin e vatrës së re, sipas planit të kontigjencës dhe legjislacionit në fuqi, do të shtojmë masat. Sot jemi në proces vendimmarrje për masat e reja që do të marrim dhe do ju lajmërojmë. Lidhur me sinjalizimet që kemi marr dhe nga media, është aktivizuar shërbimi veterinar, i cili në bashkëpunim me pushtetin vendor kanë marr masat për ndalim të tregtimit në kushte të pa miratuara”, shkruhej në njoftim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.