Rritet numri i vendeve të punës/ Ibrahimaj: Mbi 702 mijë deri në fund të shtatorit 2019 (VIDEO)
Drejtoresha e Përgjithshme e Tatimeve, Delina Ibrahimaj, ka bërë me dije gjatë një intervistë të dhënë për Agjencinë Telegrafike Shqiptare (ATSH) se numri total i vendeve të punës në Shqipëri deri në fund të muajit shtator 2019 është rritur duke kapur shifrën e 702,028 vendeve.
Ibrahimaj ka shpjeguar gjithashtu se veç vendeve të punës është rritur dhe numri i përgjithshëm i punësimeve në vend, kjo si pasojë e mundësisë së dy-punësimit ose më tepër, çka ka rritur ndjeshëm numrin e tyre.
Drejtoresha e Tatimeve theksoj gjatë intervistës se dinamika e këtyre tregueseve tregon se në rajonet ku ka më shumë biznese, ka edhe më shumë vende të reja pune e më shumë të punësuar. “Këto tregues ecin në linjë paralele me njëra tjetrën dhe mbesin në ndryshim dinamik, pasi afati i fundit për deklarimin e listë-pagesës është 20 tetori, çka do të përditësojë trendin pozitiv të qëndrueshëm të tyre”- tha Ibrahimaj në intervistën për ATSH.
VIDEO/Rritet numri i vendeve të punës, Ibrahimaj për ATSH: Mbi 702 mijë deri në fund të shtatorit 2019http://ata.gov.al/2019/10/12/video-rritet-numri-i-vendeve-te-punes-ibrahimaj-per-atsh-mbi-702-mije-deri-ne-fund-te-shtatorit-2019/Në Shqipëri po vjen gjithmonë e në rritje numri i vendeve të reja të punës dhe numri i të punësuarve.Drejtoresha e Përgjithshme e Tatimeve, Delina Ibrahimaj, në një intervistë për Agjencinë Telegrafike Shqiptare (ATSH) tha se, u rrit në 702, 028 numri total i vendeve të punës në Shqipëri në fund të muajit shtator 2019.
Posted by Agjencia Telegrafike Shqiptare on Saturday, October 12, 2019
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.