Rritet papunësia në Britani – Norma shënon 4.4%, rritja e parë në dy vite
Norma e papunësisë në Britani është rritur papritmas gjatë Janarit, ndërsa rritja e pagave ka qëndruar modeste, duke bërë që Banka e Anglisë të presë për fuqizimin e tregut të punës që të justifikojë rritjen e normave të interesit.
Çmimet e obligacioneve qeveritare u rritën ndërsa paundi ra lehtë pas publikimit të të dhënave. Zyra e Statistikave në Londër bëri të ditur se norma e papunësisë u rrit në 4.4% nga 4.3% që ishte në Dhjetor, duke rezultuar në rritjen e parë që prej Shkurtit 2016.
Numri i personave të punësuar u rrit më pak se ç’pritej, me 88 mijë, apo sa gjysma e projeksioneve të analistëve. Të ardhurat totale, përfshirë bonuset, u rritën me një normë vjetore prej 2.5%, brenda projeksioneve dhe e pandryshuar nga muaji Nëntor.
Kjo rezultoi më e dobët se rritje me 3% e nivelit të çmimeve gjatë muajit Dhjetor. Zyra e Statistikave publikoi edhe të dhënat mbi produktivitetin në tremujorin e katërt.
Prodhimi për orë, matësi kryesor i produktivitetit, u rrit me 0.9% në tremujorin e fundit 2017, krahasuar me 0.9% rritje në të tretin.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.