Rritja me 5% e pagave nuk i zgjidh problemet në arsim dhe shëndetësi
Rritja e paralajmëruar prej 5% e pagave në shëndetësi, arsim dhe çerdhe nuk do t’i zgjidhë problemet që me vite të tëra mundojnë në këto sektorë në Maqedoni. Nga Asociacioni i mjekëve të rinj dhe specialistëve, si dhe nga Plenumi i arsimtarëve kërkohen masa radikale me qëllim përmirësimin e gjendjes. Këto grupe kërkojnë që Qeveria të bëjë hapa konkrete për t’i mbajtur mjekët e rinj në Maqedoni.
“Në këtë moment ka rreth 600 specialistë aktiv, por dy të tretat e tyre nuk marrin pagë, kështu që rritja e pagës nuk do të thotë asgjë, për shkak se nuk kanë të ardhura, ndërsa nuk u janë paguar as kujdestaritë 24 orëshe. Nuk është në rregull që të bisedohet për një gjë, ndërsa të publikohet diçka tjetër” deklaroi Nenad Lazarov, Asociacioni i mjekëve të rinj dhe specialistëve.
Edhe nga Plenumi i arsimtarëve konsiderojnë se rritja e paralajmëruar minimale e pagave
“Punonjësit e rinj cilësorë nuk do të orientohen në arsim, por në drejtime tjera. Për shkak të rrethanave në të cilat gjenden, mjeteve për jetesë, ata do të jenë të detyruar të kërkojnë një punë tjetër si burim plotësues. Në vend se të jetë tërësisht i përkushtuar në arsim dhe në punë, do të jetë i detyruar të mendojë se si ta shtojë buxhetin familjar që të mund të mbijetojë – tha Dushko Stojanovski, Plenumi i arsimtarëve.
Por, nga Ministria e Financave pranojnë se pagat e arsimtarëve dhe të punonjësve në çerdhe duhet të jenë më të larta, por këtë për momentin nuk e lejojnë mundësitë buxhetore.
Dragan Tevdovski, ministër i Financave u shpreh së fundmi “Mendoj se pagat edhe të arsimtarëve edhe të atyre në çerdhe, duhet të jenë më të larta, por jemi duke e bërë hapin e parë. Jemi duke bërë rritje edhe te mjekët dhe infermieret dhe e di se duhet të jenë më të larta, por këto janë mundësinë nga aspekti i buxhetit”.
Ndryshe, me të ashtuquajturin “Plan për jetë”, kryeministri Zoran Zaev gjatë fushatës zgjedhore kishte premtuar 500 euro pagë mesatare deri në fund të mandatit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.