Rritja e bizneseve ekstra të vogla/ Arratisja ideale nga puna në kompanitë e mëdha
Shtetet e Bashkuara të Amerikës, kanë më shumë se 20 milion XSMB (biznese ekstra të vogla). Firmat me më pak se 20 punonjës po rriten më shpejt se çdo kategori tjetër e biznesit të vogël, të cilat së bashku punësojnë afro 50% të fuqisë punëtore private, dhe radhët e të vetëpunësuarve fitimprurës janë në rritje. Në mënyrë kolektive, ato janë një forcë për t’u vlerësuar.
Ndërsa kalojmë në një botë më dixhitale, të shpërndarë dhe të drejtuar nga të dhënat, e ardhmja e punës do të ndërtohet jo nga kompanitë më të mëdha në botë, por nga ato më të voglat. E gjitha kjo, vjen si pasojë e punës jo shumë të parapëlqyer tek kompanitë e mëdha.
Pavarësisht reputacionit të Amerikës si një vend i mundësive, lëvizja sociale është në rënie, me njerëz të lindur në status të ulët socio-ekonomik, probabilititeti i të cilëve është të mbeten në të njëjtin status gjatë gjithë jetës. Në 1940, 90% e të rriturve fituan më shumë sesa prindërit e tyre. Sot, vetëm 50% e të rriturve fitojnë më shumë para sesa prindërit e tyre.
Edhe pse, marzhet e fitimit të korporatave janë afër niveleve të të gjitha kohërave. Sidoqoftë, pasuritë po shkojnë në mënyrë disproporcionale tek drejtuesit dhe investitorët, duke e shtyrë pabarazinë e të ardhurave amerikane në nivelin e tij më të lartë në 50 vjet. Ndërkohë, nga ana tjetër, teknologjia është duke rritur efikasitetin e biznesit, por duke zhvendosur punëtorët. Dhe ky trend është vetëm fillimi, pasi zhvillimi i teknologjisë po përshpejton zëvendësimin e punëtorëve.
Sipas disa anketimeve, ka rezultuar se fuqia punëtore e pavarur po rritet tre herë më shpejt se fuqia e përgjithshme punëtore dhe pritet të formojë pjesën më të madhe të forcës punëtore të SHBA deri në vitin 2027. Që nga fundi i vitit 2019, gratë përbëjnë pjesën më të madhe të forcës punëtore të SH.B.A.-së. Sipas disa vlerësimeve, pakicat do të përbëjnë pjesën më të madhe të fuqisë punëtore amerikane deri në vitin 2045.
Si rezultat i legjislacionit që kërkon pagë të barabartë, praktikat e marrjes në punë të korporatave janë bërë më të ndjeshme ndaj përkufizimeve ligjore të lidhura me çështjet që lidhen me diversitetin. Dhe kjo ka bërë që shumë prej atyre që ndjehen të shfrytëzuar në ambjentin e punës të marrin iniciativën për të hapur biznesin e tyre duke i mundësuar kështu vetes një pavarësi si dhe një jetesë më të mirë, si nga ana financiare dhe mbi të gjitha nga ajo psikologjike.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.