Rritja e infektimeve/ Italia rimbyllet sërish për shkak të pandemisë
Rritja e numrit të infektimeve në një pjesë të madhe të rajoneve në Itali ka sjell rimbylljen e tyre. Roma, Lombardia, Piemonte, Veneto dhe Emilia-Romanja nga dita e sotme aplikojnë masa të rrepta për parandalimin e përhapjes së pandemisë.
Në listën e masave të reja janë mbyllja e shkollave dhe qendrave ditore, mbyllja e dyqaneve dhelejimi i restoranteve që ofrojnë vetëm ushqim me porosi.
Po ashtu, kufizohet lëvizja brenda rajonit dhe njerëzit mund të dalin nga banesat e tyre vetëm për nevoja të domosdoshme. Përjashtim bëjnë ataqë kanë emergjenca apo ikin në punë.
Nga ana tjetër, Italia ka prezantuar një plan ambizioz për vaksinimin. Plani i komisarit të ri për emergjencën anti-covid parashikon rritjen e numrit ditor të vaksinimeve, me qëllim që deri në shtator të jenë vaksinuar 80 % e popullatës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.