Rritja e interesave në euro – Draghi mbështet pritshmëritë për fundin e 2019-ës
Presidenti i Bankës Qendrore Europiane, Mario Draghi, mbështeti pritshmëritë e publikut për rritjen e normave të interesit në Tetor të 2019-ës, duke thënë se rreziqet nga konfliktet tregtare nuk garantojnë ndonjë ndryshim të planeve. Draghi dha një perspektivë optimiste për ekonominë dhe konfirmoi përfundimin e programit të stimujve prej 2.6 trilionë euro këtë vit. Draghi tha se pritshmëritë e publikut janë në konvergjencë me vetë projeksionet e bankës.
Tregjet e parasë presin një rritje të normës së interesit për depozitat me 0.1% në Tetor 2019, që do të ishte ndërhyrja e parë që prej vitit 2011. “Në këtë fazë që jemi, nuk e shohim të arsyeshme që të ndryshojnmë udhëzimin për normat e interesit”, tha Draghi, pas spekulimeve se institucioni kishte dyshime për nisjen e tkurrjes monetare. Ai shtoi se Banka Qendrore Europiane do të shohë sasinë e kapitalit që çdo bank qendrore ka paguar, për të vendosur se si do të riinvestojë paranë që do të marrë nga obligacionet që maturojnë, duke nisur nga viti i ardhshëm.
Një tjetër sfidë është se pjesa e mbetur e maturitetit të obligacioneve bie me kalimin e kohës, kështu që institucioni do të duhet të vendosë nëse do të shënjestrojë obligacionet afat-gjatë apo do të pranojë maturimin e rregullt të portofolit. Draghi hodhi poshtë shqetësimet për të dhënat zhgënjyese ekonomike dhe tha se banka qendrore pret ende një rritje të fortë të ekonomisë së Eurozonës.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.