Rritja e ndjeshme e numrit të infeksioneve – AKU shton kontrollet, 800 inspektime dhe 18 masa administrative në 24 orët e fundit
Trupat inspektuese të Autoritetit Kombëtar të Ushqimit ka kryer 800 inspektime dhe monitorime edhe si pjesë e Task-Forcës Anti Covid gjatë 24 orëve të fundit.
Sipas njoftimit gjatë inspektimeve në lidhje me sigurinë ushqimore nëpër biznese janë dhënë 18 masa me paralajmërim përgjithësisht për rinovim të librezave shëndetësore dhe rinovim të analizave të ujit ndërsa referuar Planit të Marrjes së Mostrave janë marrë 40 mostra në monitorim të qumështit dhe në analizim të fruta-perimeve për mbetje pesticide.
AKU si pjesë e Task-Forcës bën me dije se po vijon me monitorimet në të gjitha kategoritë e bizneseve dhe në kopshte e shkolla për zbatim të protokolleve të sigurisë si dhe gjithashtu njofton se janë këshilluar nga ana e Task-Forcës edhe qytetarë për mbajtje të detyruar të maskës, kundër përhapjes së Koronavirusit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.