Rritja e numrit të turistëve – Kina, një ndër 5 vendet me më shumë vizitorë në Shqipëri
Heqja e vizave për Kinën ka shumëfishuar numrin e turistëve këtë sezon. Në një intervistë për një ndër televizionet kineze Ministri i Turizmit Blendi Klosi është shprehur se po punohet për krijimin e një paketë të re me një ofertë të trashëgimisë kulturore dhe kulinarisë dhe po promovohet agroturizmi më shumë se çdo gjë tjetër në vendin tone.
Qeveria shqiptare vendosi heqjen e vizave për turistët nga Kina për periudhën 1 prill deri në 31 tetor 2018. Heqja e vizave me Kinën për 8 muaj në vit ka dhënë rezultatet e para.
Numri i turistëve nga Kina drejt Shqipërisë është shumëfishuar krahasuar me një vit më parë. Falë heqjes së vizave, ky shtet u rendit me shpejtësi në 5 vendet me më shumë vizitorë në Shqipëri.
Televizioni kinez rendit gjithashtu atraksionet më të mëdha turistike në vendin tone sipas renditjes vendi i parë më i vizituar nga turistët kineze është Bunk’art i ndjekur nga muzeu i komunizmit në Shqipëri, kjo për shkak edhe të lidhjeve historike mes dy vendeve .
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.