Rritja e paundit britanik, analiza e “Bloomberg”: Po injorohet një rrezik të madh!
Paundi britanik ka nisur një marshim rritës, kjo edhe si rrjedhojë e një optimizmi në rritje për marrëveshjen për BREXIT. Por në këtë hov të ri, mund të jetë duke u injoruar një rrezik i madh, shkruan “Bloomberg”; roli i parlamentit.
Ndërsa analistët parashikojnë që monedha të vijojë rritjen dhe më tej nëse ligjvënësit britanikë nënshkruajnë marrëveshjen e divorcit, ata parashikojnë se skenari mund të shkojë keq nëse parlamenti nuk e miraton marrëveshjen. Kryeministrja Theresa May mund të dërgohet sërish në tryezën e negociatave me Bashkimin Europian, dhe të detyrohet që të mbajë një referendum të dytë ose edhe të thërrasë zgjedhjet e përgjithshme.
Një shumicë prej 650 deputetësh duhet të votojnë në favor të një marrëveshje për daljen nga Bashkimi Europian në mënyrë që ajo të kalojë në Dhomën e përbashkët. Kjo konsiderohet si një sfidë sepse kryeministrja May nuk ka shumicën dhe sepse mund të ketë edhe deputetë që mund të rebelohen duke mos votuar në unison.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.