Rritja e pensioneve nga 1 prilli, reagon ministrja e Financave Denaj: Pavarësisht kësaj rritjeje, do të vazhdojnë të marrin të ardhura të tjera
Duke nisur që nga data 1 Prill e këtij viti, pensionistët në të gjithë vendin do të përfitojnë rritje pensioni.
Për vendimin e miratuar sëfundmi nga qeveria ka reaguar ministrja e Financave Anila Denaj që ka shpjeguar se me Vendim të Këshillit të Ministrave është vendosur që kjo rritje të jetë 2.8 për qind për të gjitha kategoritë e pensioneve: për pensionet e plota, pensionet e pjesshme, pensionet e reduktuara dhe pensionet e parakohshme të pleqërisë, pensionet e invaliditetit, pensionet familjare dhe për vjetërsi shërbimi.
“Gjithashtu, rritje do të ketë për kategoritë e pensioneve të fshatit; pensionet për merita të veçanta, pensionet e posaçme shtetërore apo shtesat e pensionit të posaçëm shtetëror” shpjegon ministrja. Pavarësisht kësaj rritjeje, sipas ministres, pensionistët do të vazhdojnë të marrin të ardhura të tjera që jepen me vendime të veçanta të Këshillit të Ministrave.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.