Rritja e rasteve të reja me Covid-19, Labaj: Duhet kujdes i shtuar nga qytetarët. Vjeshta përkeqson situatën
Rritja e numrit të rasteve të reja me Covid -19 është shqetësuese dhe sipas mjekëve duhet më shumë përgjegjësi edhe nga vetë qytetarët për respektimin korrekt të masave të paralajmëruara . Në një intervistë për televizionin SCAN Mjekja Pathologe Entela Labaj shprehet se neglizhenca është vërejtur edhe tek pacientët e infektuar duke u bërë shkak për përhapjen e infeksionit
“Është neglizhuar edhe nga pacientët që unë kam konfirmuar, domethënë vinin pacientë, të cilët në fazën e ditës së tetë apo të nëntë, pa e kapur në fazat e para, duke mos e menduar si diçka konkrete apo reale. Dhe duke e neglizhuar sëmundja përparon dhe shtrimet në spitale janë akoma më të mëdha dhe sidomos për rastet e personave me intubim dhe atyre që kanë komplikacione më të mëdha. “
Sipas Mjekes Pathologe ashtu sikurse pritej vjeshta ndikoi në përkeqësimin e situatës
“Lagështira në studimin e fundit që është bërë në botë, e shton pak pjesën e kontanimit. Janë bërë disa studime, ku tregohet se me ardhjen e vjeshtës dhe me ardhjen e fluksit të virozave të stinës, që ne i hasim gjithmonë në këtë periudhë është disi e vështirë të bësh një diagnozë diferenciale midis gripit stinor dhe COVID-19.”
Labaj u ndal në domosdoshmërinë e mbajtjes së maskës sidomos në ambientet e mbyllura ndërsa shtoi se mbajtja e saj mbetet efektive edhe në ambientet e hapura.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.