Rritja e shitjeve të energjisë në Norvegji nxit akuzat për përfitim nga lufta dhe nga kërkesat për ndihmë!

Kërkimi i furishëm i Europës për alternativa ndaj energjisë ruse ka rritur në mënyrë dramatike kërkesën dhe çmimin për naftën dhe gazin e Norvegjisë. Por furnizuesi i dytë më i madh i gazit natyror në kontinent tani po i shmang akuzat se po përfiton nga lufta në Ukrainë.

Kryeministri polak Mateusz Morawiecki, i cili po kërkon nga vendi skandinav për të zëvendësuar një pjesë të gazit që Polonia merrte nga Rusia, tha se fitimet “gjigante” të naftës dhe gazit të Norvegjisë janë “indirekt pre e luftës”. Ai i kërkoi Norvegjisë që ta përdorë atë fitim të papritur për të mbështetur vendet më të goditura, kryesisht Ukrainën.

Komentet javën e kaluar prekën një nerv, edhe pse disa norvegjezë pyesin nëse po bëjnë mjaftueshëm për të luftuar luftën e Kremlinit duke rritur ndihmën ekonomike për Ukrainën dhe duke ndihmuar vendet fqinje t’i japin fund varësisë së tyre nga energjia ruse. Çmimet e naftës dhe gazit ishin tashmë të larta në mes të një krizë energjie dhe janë rritur për shkak të luftës. Gazi natyror po tregtohet tre deri në katër herë sesa ishte në të njëjtën kohë të vitit të kaluar.

Standardi ndërkombëtar i naftës së papërpunuar Brent shpërtheu në 100 euro për fuçi pas pushtimit tre muaj më parë dhe që atëherë rrallë ka rënë poshtë. Gjigandi energjetik norvegjez Equinor, i cili është në pronësi të shumicës nga shteti, fitoi katër herë më shumë në tremujorin e parë krahasuar me të njëjtën periudhë të vitit të kaluar.

Shpërblimi bëri që qeveria të rishikojë parashikimin e saj të të ardhurave nga aktivitetet e naftës në 933 miliardë korona norvegjeze (97 miliardë euro) këtë vit, më shumë se tre herë më shumë se sa fitoi në 2021. Pjesa më e madhe do të derdhet në fondin masiv të pasurisë sovrane të Norvegjisë, më i madhi në botë për të mbështetur kombin kur nafta të mbarojë. Qeveria nuk po mendon ta devijojë diku tjetër.

BE-ja synon të zvogëlojë varësinë nga gazi natyror rus me dy të tretat deri në vitin 2023 përmes ruajtjes, zhvillimit të burimeve të rinovueshme dhe furnizimeve alternative. Europa po i lutet Norvegjisë së bashku me vende si Katari dhe Algjeria për ndihmë me mungesën. Norvegjia jep 20% deri në 25% të gazit natyror të Europës, kundrejt 40% të Rusisë para luftës.

Është e rëndësishme që Norvegjia “të jetë një ofrues i qëndrueshëm dhe afatgjatë i naftës dhe gazit në tregjet europiane,” tha zëvendësministri i Energjisë Amund Vik. Por kompanitë po shesin në tregjet e paqëndrueshme të energjisë dhe “me çmimet e larta të naftës dhe gazit të parë që nga vjeshta e kaluar, kompanitë kanë prodhuar çdo ditë pothuajse maksimumin e asaj që mund të ofrojnë fushat e tyre,” tha ai. AP

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.