Rritja e shpejtë e borxhit gjatë pandemisë! FMN bën thirrje për trajtimin e barrës së paqëndrueshme të huamarrjes
Kreu i Fondit Monetar Ndërkombëtar, Kristalina Georgieva, bëri thirrje që të trajtohet barra e paqëndrueshme e borxhit në disa vende, duke i kërkuar kreditorëve dhe debitorëve që të nisin proceset e ristrukturimit sa më herët të jetë e mundur. Georgieva tha se një zgjatje 6-mujore e ngrirjes së pagesave dypalëshe të ekonomive të G20, do të ndihmojë vendet me të ardhura të ulëta, por shtoi se do të duhen veprime më urgjente.
“Vonesa në kundërpërgjigje do të jetë e kushtueshme si për debitorët edhe për kreditorët”, – tha ajo , duke paralajmëruar për nivelet e borxhit botërorë, që mund të arrijnë në 100% të PBB deri në vitin 2021. Georgieva tha se kreditorët duhet të adaptojnë provizione kontraktore për të minimizuar ndërprerjet ekonomike, rritur transparencën dhe krijuar një rrjet të përbashkët, të rënë dakord në parim tek takimi i G20.
Komentet e saj vijnë në një kohë të shqetësimeve mbi rritjen e shpejtë të niveleve të borxhit, veçanërisht në vendet me të ardhura të ulëta e të mesme, rënia e turizmit dhe çmimeve të naftës. Iniciativa e Pezullimit të Shërbimit të Borxhit të G20, ka ndihmuar 44 vende që të shtyjnë 4 miliardë dollarë pagesa, duke mundësuar që t’i shpenzojnë në zbutjen e krizës së Covid-19.
Megjithatë, efikasiteti i kësaj skeme është limituar nga mungesa e kreditorëve privat dhe dështimi i kinës për të përfshirë të gjithë institucionet e zotëruara nga shteti.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.