Rritja e vaksinimeve për COVID-19 – Manastirliu: E gjithë popullata, e imunizuar në pranverën e vitit që vjen
Kuvendi ka miratuar 4 akte normative, që synojnë rritjen e numrit të vaksinave për COVID-19, që do të mbërrijnë në vendin tonë. Nga foltorja e Kuvendit, ministrja e Shëndetësisë dhe Mbrojtjes Sociale, Ogerta Manastirliu tha se Shqipëria ka dalë nga zona e kuqe, ndërsa theksoi se vaksinimi i gjithë popullatës synohet të arrihet deri në pranverën e vitit që vjen.
Manastirliu u ndal dhe te mbarëvajtja e sezonit turistik, duke bërë me dije se deri më tani janë vaksinuar 3500 operatorë turstikë, ndërsa synohen që vaksinimi i plotë i kësaj kategorie të mbyllet në fund të muajit maj.
Paralelisht, kuvendi miratoi dhe aktin normativ për ndryshimin e buxhetit, që parashikon shtesën e fondit rezervë me një vlerë prej 2 mld lekë, që do të përdoren për blerjen e vaksinave për Covid-19, përmes të cilit synohet blerja e 2.2 mln dozave vaksinë.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.