Rritje 105% të të ardhurave në buxhet – Rama: Fiskalizimi pa kosto për biznesin, na duhet mandati i tretë për ta vënë në jetë
Kryeministri Edi Rama ja ka dedikuar procesit të fiskalizimit konferencën e së martës me gazetarët në focus së të cilës ishte ekonomia. Rama tha se është një process që po hyn në fazën vendimtare dhe se mazhorancës i duhet mandate i tretë për ta çuar deri në fund e për të parë përfitimet e vërteta të tij për të bërë të mundur që në Shqipëri të mos ketë më “Tire”, njerëz që marrin ryshfete për të dhënë një shërbim. Aktualisht ka nisur faza e parë, që parashikon raportet e biznesit me shtetin, që do të pasohet në 6 mujorin e dytë të këtij viti nga faza e dytë e cila do të dixhitalizojë raportet biznes-biznes, e në fazën e tretë raporti biznes konsumator. I pyetur nga gazetarët mbi kostot e procesit të fiskalizimit, Rama shpjegoi se kompanitë do mund të përshtatin pajisjet aktuale me sistemin e ri pa paguar asgjë shtesë.
Ministrja e Financave Anila Denaj bëri një përmbledhje të rezultateve të luftës që Qeveria I ka shpallur informalitetit dhe administrimit fiscal në 7 vite. Ajo tha se falë mirë administrimit fiskal, shtimit të bizneseve të reja, punësimit e reduktimit të evazionit u rritën në 27.38% të ardhurat e produktit të brendshëm bruto krahasuar me 2013.
Rama ju përgjigj pyetjeve të gazetarëve edhe lidhur debateve të lindura për vaksinat kundër Covid 19, duke thënë se aktualisht Shqipëria ka në dispozicion fondet për të vaksinuar gjithë popullsinë por se kontrata e lidhur me Pfizer nuk mund të bëhet publike për shkak të klauzolës së sekretit tregtar.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.