Rritje dhe abuzime me çmimet – Braçe kërkon interpelancë me qeverinë: Fermerët “të pafajshëm”
Rritja e çmimeve në të gjithë botën, por edhe në Shqipëri, ka rëduar xhepat e konsumatotrëve, ku shpenzimet janë rritur ndjeshëm. Sipas shifrave zyrtare nga Instituti i Statistikave, të publikuara së fundmi, norma e inflacionit në muajin Dhjetor të vitit të kaluar u ngjit në 3.7%, nga 3.1% që ishte në muajin nëntor. Kjo është norma më e lartë e regjistruar që prej vitit 2011.
Ndikimin më të madh në këtë normë inflacioni për dhjetorin e kanë dhënë grupet: “Ushqime dhe pije joalkoolike” me 2,22 pikë përqindje. Por krahas rritjes së ndjeshme të çmimeve, është vënë re dhe abuzim nga ana e tregtarëve. Shqëtësim të cilin e ka ngritur deputeti socialist Erion Braçe, i cili ka kërkuar interpelancë me qeverinë lidhur me rritjen kostove të bujkut dhe trefishimin çmimeve për lëndët e para në bujqësi. Sipas Braçes rritja e çmimeve nuk ka ardhur nga fermerët.
Deputeti socialist është ndër më aktivët sa i takon mbrojtjes së fermerëve dhe sektorit bujqësor në tërësi, duke mos u rezervuar në kritikate tij për politikat qeveritare.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.