“Rritje e furnizimit me ujë të pijshëm, Rama: “Në vitin 2021, 52 qytete do të kenë ujë të pijshëm, më shumë vëmendje bregdetit”
Ujësjellës-kanalizimet ishin tema kryesore e konferencës javore me gazetarët e kryeministrit Edi Rama. Duke u ndalur në shifra konkrete kryeministri tha se në vitin 2021 numri I qyteteve që do të furnizohen 24 orë uje në ditë do të jetë 52 qytete, ndërsa aktualisht është 23.
“Në vitin 2013 kur mbaroi epoka e keqqeverisjes së kaluar kishte vetëm një qytet me furnizim 24 orë, Korça dhe furnizimi 24 orë për të tjerët ishte perspektivë e largët. Sot që flasim ka 23 zona urbane me 24 orë furnizim me ujë nga Bilishti në Tropojë, nga Pogradeci në Lezhë, Nga Vau dejës, Kopliku Poliçan, Tepelenë, dhe Memaliaj. Në 2021 furnizimi me ujë do të jetë një realitet ën të gjitha zonat e Shqipërisë
Por i pyetur nga RTV SCAN në lidhje me mungesën e furnizimit me ujë të pijshëm të zonave kryesore bregdetare, drejtori I AKUK dhe kryeministri dhanë këtë përgjigje.
“Sigurisht që ka një reduktim të ndjeshëm të humbjeve në rrjet, pro ajo që thashë në fillim reforma duhet thelluar, sepse në të vërtetë këto ndërmarrje edhe pse janë shkëputur në mënyrë të arsyeshme nga tradita mizerabël e dekadava të para, pas rënies së komunizmit kur u kthyen vetëm në zyra pune dhe nuk u investua për burime njerëzore, për profesionalizmin e tyre, gjëra të cilat mbeten problem.” – u shpreh kryeministri Rama.
“Ne kemi qenë në koordinim perfekt me donatorët si Banka Botërore, Banka Gjermane për Zhvillim dhe Fondi Francez për Zhvillim. Kemi bërë një ndarje të investimeve që do mbulojë Buxheti Shteti dhe këta donatorë për shkak edhe ët angazhimeve më të mëdha financiare. Zonat që ju përmendët janë marrë përsipër nga donatorët. Tashëm marrëveshjet financiare janë të miratuara dhe brenda vitit 2021 pritet të fillojë investimi në të gjitha këto zona që ju përmendet për të filluar furnizimi 24 orë me ujë.” – vazhdoi më tej Alqi Bllako, drejtor i AKUK.
Vlera totale që është investuar në ujësjellës kanalizime shkon në 512 ml euro.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.