Rritje e madhe e rasteve me Covid-19 në Britani / Shifra më e lartë që prej Shkurtit të këtij viti, pavarësisht vaksinimit rekord
Britania ka raportuar 9,055 raste me koronavirus në 24 orët e fundit, që është rritja më e madhe ditore që prej muajit Shkurt, sipas të dhënave zyrtare. Numri total i rasteve në vend qëndron tashmë në 4.59 milionë. Britania regjistroi 9 vdekje të lidhura me Covid dhe totali i vdekjeve qëndron në 127,926. Mbi 42 milionë njerëz kanë marrë të paktën 1 dozë të vaksinës së koroanvirusit, ndërkohë që mbi 30.4 milionë njerëz janë vaksinuar plotësisht me 2 doza. Të dhënat e fundit erdhën ndërsa Susan Hopkins, drejtoresha e reagimit strategjik ndaj Covid tek Instituti i Shëndetit Publik në Angli, tha se janë 25 variante të koronavirusit “nën monitorim”. Tetë varianti janë “nën hetim” së bashku me 25 të tjerë që po monitorohen, tha ajo në një komision parlamentar mbi shkencat dhe teknologjinë. Hopkins tha gjithashtu se nëse varianti Delta indian nuk trajtohet, norma e transmetueshmërisë së 1 personi mund të rritet në 5 apo 7. Instituti i Shëndetit publik ka thënë se varianti Delta është mbizotërues në Britani. Kryeministri Boris Johnson lajmëroi në nisjet të javës një vonesë katër – javore të heqjes së masave të fundit të karantinës, deri më 19 Korrik.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.