Rritje e mëtejshme e çmimit të bukës! – Haxhiymeri: Më shtrenjtë edhe nënproduktet e grurit
Ndërsa prej disa ditësh çmimi i bukës së grurit është rritur me 10 lekë, qytetarët duhet të përgatiten për një rritje të mëtejshme. Në një intevistë për SCAN, Kreu i Shoqatës së Prodhuesve të Miellit Adi Haxhiymeri, sqaron se kjo ka ndodhur për shkak të kushteve klimatike dhe rënies së prodhimit në vendet eksportuese, gjë që ka sjellë rritje të çmimit të grurit në import me afro 10 për qind.
Nga ana tjetër, Haxhiymeri thekson se pritet të ketë dhe një rritje të çmimeve tek nënproduktet e grurit, dhe kryesisht të makaronave.
Kreu i Shoqatës së Prodhuesve të Miellit shprehet se qeveria mund të ndërhyjë me mekanizmat e saj për të ndalur këtë rritje, por që ndërhyrjet kërkojnë kohë dhe kjo situatë për momentin nuk ka më kthim pas.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.