Rritje e të ardhurave për UM, Gjata: Do ofrojmë edukimin në vazhdim, pagesa 500 lekë për kredit

Financimi dhe të ardhurat e Universiteteve mbetën një sfidë për autonominë e vetë institucioneve të dijes. Aktualisht Universiteti i Mjekësisë siguron 47% të të ardhurave, ndërkohë që po ndiqen një sërë strategjisë që këto të ardhura të shkojnë në masën e 50%.

Sipas Rektorit të këtij universiteti Arben Gjata, edukimi në vazhdim si dhe studimet kërkimore janë dy nga shtyllat ku do të bazohen për të siguruar të ardhura.

Referuar edukimit në vazhdim do të ketë një pagesë nga pjesëmarrësit prej 500 lekë për kredit.

Nëse për vitin akademik 2018-2019 nuk ka patur ndryshim të kritereve dhe të tarifave për studentët, në vitin pasardhës do të ketë disa ndryshime.

Sipas Gjatës me ndryshimin e maturës do të ketë edhe ndryshim të kritereve për pranimet në Universitetin e Mjekësisë.

Universiteti i Mjekësisë është duke kërkuar donator ose grante për të ngritur një sistem informatik testimi për të bërë pranimet në këtë universitet në mënyrë që të përfitojnë më të mirët e në të njëjtën kohë të mos ketë abuzime.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.