Rritje pagash në shëndetësi, Beqaj: Përfitojnë mjekët roje

Rritja e pagave do të shtrihet edhe në sektorin shëndetësor. Gjatë fjalës së tij në Këshillin Kombëtar të Punës, ministri i Shëndetësisë, Ilir Beqaj ka theksuar se rritja e pagave për mjekët është domosdoshmëri.

Ministri ka bërë me dije se pagat për mjekët roje do të dyfishohen, ndërsa do të rriten me 25% pagat për personalin e urgjencave kardiake, cerebrale-vaskulare. Beqaj tha se është rreth 14 miliardë lekë kostoja e rritjes së pagave për këtë sektor.

Rritja e pagave për administratën publike hyn në fuqi më 1 Mars, po ashtu edhe vendimi për rritjen e pagës minimale për punonjësit në institucionet shtetërore.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.