Rruga e Kombit – Vasili: Tarifa nuk mund të aplikohet pa u konsultuar me Kosovën

“Tarifa në Rrugën e Kombit nuk duhet të nisë nëse nuk bëhet një studim i mirëfilltë ekonomik për administrimin e saj.” Kështu u shpreh kryetari i grupit parlamentar të LSI Petrit Vasili në një konferencë për mediat. Sipas Vasilit duhet të ketë një qasje të integruar me qeverinë e Kosovës pasi ajo nuk aplikon taksë për rrugën  Prishtinë – Morinë. Qeveria e Kosovës është duke  shqyrtuar kushtet ekonomike-sociale të të dy vendeve.

Sipas Petrit Vasilit shqiptarët janë duke paguar taksa të njëjta me ato që paguajnë qytetarët europianë por nuk kanë të njëjtin nivel pagash.

Vasili u shpreh më tej se janë në mbështetje të qytetarëve që po dëmtohen në rastin konkret. LSI mbështet  protestën e paralajmëruar qytetarëve , por nuk është kjo forcë politike udhëheqëse e saj.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.