Rruga e Lumit të Vlorës – FSHZH: Do të përfundojë brenda 3 viteve të ardhshme
Rruga e Lumit të Vlorës pritet të përfundojë brenda tre viteve të ardhshme, sipas Fondit Shqiptar të Zhvillimit. Ky projekt do të shërbejë si korridor i perspektivës së zhvillimit social – ekonomik të të gjithë rajonit.
Po ashtu, kjo do të sjellë edhe një zhvillim rural për komunitetin e bashkisë së Vlorës, Selenicës dhe Himarës, si dhe do të ulë kostot e udhëtimit për banorët.
Pothuajse një muaj më parë u depozitua në Kuvend projektligji për ratifikimin e marrëveshjes së huas, nëpërmjet Republikës së Shqipërisë dhe Fondit Saudit për Zhvillim, për financimin e pjesës së mbetur të këtij projekti.
Projekti ka një kosto të përgjithshme prej 72 000 000 USD-sh pa përfshirë këtu TVSH-në, vlera e së do të mbulohet nga buxheti i shtetit. Ndërsa huaja e akorduar nga Fondi Saudit për Zhvillim, kap vlerën e 112 500 000 SAR (afërsisht 30 milionë USD).
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.