Rruga Tiranë – Elbasan, Xhika: Gati në muajin Qershor

Pas problemeve të shumta që ka hasur projekti, autostrada Tiranë – Elbasan është parashikuar të përfundojë brenda muajit Qershor.

Drejtori i Autoritetit Rrugor Shqiptar, Dashamir Xhika bën me dije për TV SCAN se aktualisht punimet po ecin me ritme normale, çka do të mundësojë që ky segment shumë i rëndësishëm të vihet në dispozicion të plotë të qytetarëve.

Ndërkaq, Qeveria ka depozituar në Kuvend një tjetër marrëveshje huaje me Bankën Islamike për Zhvillim, për financimin e rrugës Tiranë – Elbasan.

Marrëveshjet në akordimin e financimit shtesë për projektin e kësaj rruge me një vlerë prej rreth 35 milionë dollarësh dhe afati për përdorimin e këtyre fondeve është deri në 3 vjet.

Shuma e huasë thuhet se do të shkojë për punimet civile, shërbimet e konsulencës, shpenzimet për njësinë e zbatimit të projektit dhe shpenzimet për auditin.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.