“Rrugë të reja” në Shijak/ Bashkia shpall tenderat! Fondi 106 milionë lekë – Detajet

Bashkia Shijak ka vënë në dispozicion 2 tendera në funksion të ndërtimit të rrugëve të qytetit.

Sipas detajeve të projekteve të shpallura në Agjencinë e Prokurimit Publik, 62.5 milionë lekë do të shkojnë për sistemimin dhe asfaltimin e rrugëve të lagjes “Rubjekë”, ndërsa 43.6 milionë lekë, për ndërtimin e rrugëve të brendshme në “Lagjen e Vjetër” të Shijakut.

Të dy këto projekte, referuar të dhënave teknike të tenderave, do të manifestohen brenda një afati kohor 4 mujor, që nga nënshkrimet e kontratave me subjektet fituese.

Tenderat e shpallur në Agjencinë e Prokurimit Publik do të qëndrojnë të hapur deri më 24 mars, ora 10:00.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.