Ruçi: Hapja e ekonomisë me kujdes – “Institucionet kanë vijuar punën, 26 ligje, asnjë ndërprerje për reformat e rëndësishme”
Në nisjes të seancës plenare, Kreu i Kuvendit ka bërë një përmbledhje veprimtarisë Parlamentare gjatë Pandemisë, duke theksuar se në seancat plenarë të 16 dhe 23 prillit u miratuan 26 ligje dhe 7 vendime. Kuvendi nuk ka pasur asnjë vonesë apo pengesë në shqyrtimin e akteve ligjore, akteve normative si edhe marrëveshjeve të depozituara për shqyrtim e miratim, duke bërë me dije se tashmë energjitë do të fokusohen drejt procesit të hapjes së ekonomisë, i cili, sipas tij do të jetë një proces adaptiv, gradual dhe i kujdesshëm.
Ruçi siguroi se puna për reformat e rëndësishme, veçanërisht ajo në drejtësi, kanë vijuar pa ndërprerje dhe se Kuvendi nuk e ka ulur për asnjë moment vëmendjen ndaj tyre.
Ruçi u ndal edhe te fakti që masat ndaj pandemisë kanë kufizuar disa të drejta si lëvizjen e lirë, grumbullimet, arsimimin etj, duke theksuar detyrimin e Kuvendit të vlerësojë ndikimin e këtyre kufizimeve te qytetarët dhe të marrë masa për të kufizuar këtë ndikim.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.