Ruçi takon këshilltarin e Trump – Më tepër vëmendje nga sipërmarrjet amerikane

Kryetari i Kuvendit, Gramoz Ruçi priti sot në një takim Rudolph Giuliani, Këshilltarin personal të Presidentit të SHBA-ve, Donald Trump dhe njëkohësisht Drejtues të Komitetit mbi Sigurinë Kibernetike në Shtëpinë e Bardhë.

Duke i cilësuar Shtetet e Bashkuara të Amerikës si partnerin strategjik të vendit tonë, Ruçi shprehu besimin e tij për vijimësinë e mbështetjes së SHBA-ve për një ekonomi të qëndrueshme dhe mirëqenie të qytetarëve të vendit.

Ndërkohë, Giuliani duke vlerësuar kontributin e Shqipërisë për sigurinë dhe stabilitetin ën botë në kuadër të NATO-s, e cilësoi vendin tonë si një partner të qëndrueshme dhe kontribuues real në koalicionin kundër terrorizmit.

Më tej, ai shprehu gatishmërinë për një vëmendje më të madhe të sipërmarrjeve amerikane për potencialet ekonomike që ofron vendi ynë. Në këtë kuadër, vuri theksin te vizitat e ndërsjella të niveleve të larta dhe te përfaqësuesit e botës së biznesit, do të ishin një kontribut konkret në këtë drejtim. Po ashtu, u shpreh se do t’i propozojë Presdientit Trump që të vizitojë Shqipërinë për të parë nga afër edhe hapat që ka ndërmarrë vendi ynë.

Ndërkohë, Ruçci shtoi më tej se vëmendja e SHBA-ve dhe vizita e Presidentit Trump në Shqipëri do të vlerësohej si një mesazh i fortë jo vetëm për stabilitetin e rajonit, por edhe për përpjekjet e qytetarëve për një të ardhme më të sigurt.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.