Rumania, shtyn listën e zezë të taksave të BE

Ministrat e financave të Bashkimit Evropian nuk kanë gjasa të miratojnë, një listë të zezë të re të parajsave të taksave në takimin e tyre mujor të martën, tha kreu i takimit, Ministri rumun i Financave Eugen Teodoroviçi. Deklarata i befasoi zyrtarët e BE që prisnin një kompromis përfundimtar të martën mbi një vendim që kërkon mbështetjen e të gjitha 28 shteteve të BE.

Shqyrtimi më i madh i listës së zezë që nga miratimi i tij në dhjetor 2017 pritet të shohë numrin e juridiksioneve të listuara tri herë nga pesë. Opozita e disa qeverive të BE mbi përfshirjen e disa juridiksioneve pritej të tejkalohej në takimin e së martës. Komisioneri i taksave i BE, Pierre Moscovici u shpreh se një listë e re do të miratohej. Por më vonë Teodoroviç u tha gazetarëve se miratimi i listës do të shtyhet deri në maj.

Një diplomat evropian, deklaroi për Reuters, se qëndrimi i Rumanisë i befasoi zyrtarët pasi nuk kishte më arsye për një vonesë, sepse vendet hezituese ishin të bindur të hiqnin veton. Presidenca ka vendosur “në mënyrë të njëanshme  ” se lista nuk ishte gati për t’u miratuar, tha diplomati. Bisedimet ende janë duke u zhvilluar për të arritur një kompromis të martën.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.