Rusia do rrisë taksën e eksportit të grurit në 45 euro/ton nga muaji Mars. Synon uljen e çmimit të ushqimeve
Rusia, një ndër eksportuesit më të mëdhenj në botë të grurit, mund të vendosë një taksë më të lartë të eksportit si dhe caktojë një të re për elbin dhe misrin nga mesi i muajit Mars, sipas një deklarate të ministrisë së Bujqësisë, në përpjekje për të frenuar rritjen e brendshme të çmimit të ushqimit.
Një rishikim nga zyrtarët në Moskë të masave të mëparshme shtetërore për të ngadalësuar inflacionin tek ushqimet, ka mbështetur kontratat të grurit në bursën e Parisit, prej pritshmërive se gruri në Europë do përfitojë nga taksa më e lartë në Rusi. Ministria e Bujqësisë në Rusië deklaroi se ka propozuar një rritje në taksën e eksportit të grurut në 45 euro për ton nga data 15 Mars, një lëvizje që mund të ndikojë furnizimet në Turqi, Egjipt dhe Bangladesh, që janë importuesit më të mëdhenj të grurit rus.
Propozimet janë pjesë e masave të miratuara nga qeveria në Dhjetor, pasi presidenti Vladimir Putin kritikoi rritjen e brendshme të çmimeve të ushqimit, gjatë pandemisë. Ministria propozoi gjithashtu një taksë për elbin dhe grurin në 10 euro dhe 25 euro për ton në mënyrë respektive.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.