Rusia do të mbjellë më pak grurë – Moti i thatë zbeh perspektivën për të korrat e vitit 2022
Rusia mund të mbjellë më pak grurë këtë Vjeshtë nga sa pritej më parë, për shkak të motit të thatë, ç’ka zbeh mëtej perspektivën për të korrat e vitit 2022 të eksportuesit më të madh në botë të grurit. Rusia, që e dërgon grurin kryesisht në Lindjen e Mesme dhe Afrikë, është goditur nga moti i thatë, që reduktoi fillimisht të korrat në vitin 2021 dhe më pas ndërlikoi mbjelljet për 2022-shin.
Mbjelljet e grurit për Dimrin kanë mbetur mbrapa ritmit normal në ditët e fundit, pas vonesave fillestare kur nisi fushata këtë Vjeshtë. Zonat totale të mbjelljes së grurit të Dimrit në Rusi mund të reduktohen me 0.7-1.2 milionë hektarë nga një vit më parë, sipas firmës së konsulencës Sovecon. Gruri i Dimrit, që mbillet në Vjeshtë, përbën rreth 70% të të korrave të Rusisë, sjell më shumë rendiment se sa mbjelljet e Pranverës dhe është më pak i cënuar ndaj motit të papërshtatshëm.
Fermerët kanë mbjellë drithrat e Dimrit në 10.8 milionë hektarë, deri më 30 Shtator, nga 12.3 milionë hektarë në të njejtën datë një vit më parë, sipas ministrisë së Bujqësisë. Të dhëna paraprake nga rajonet ruse tregojnë se fermerët do të mund të korrin vetëm 19 milionë hektarë të drithrave të Dimrit, nga 19.3 milionë vitin e kaluar.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.