“Rusia mund të përdorë armë kimike” – Stoltenberg për Welt am Sonntag: Kremlini po përpiqet të gjejë pretekst
Sekretari i Përgjithshëm i NATOs, Jens Stoltenberg, theskoi ditën e Diel se Rusia mund të përdorë armë kimike gjatë sulmit në Ukrainë, dhe një lëvizje e tillë do të përbënte krim lufte, sipas një interviste për të përditshmen gjermane, Welt am Sonntag.
“Në ditët e fundit, ne kemi dëgjuar pretendime absurde mbi laboratore të armëve kimike dhe biologjike”- tha Stoltenberg për Welt am Sonntag, duke shtuar se Kremlini po përpiqet të krijojë një pretekst të rremë për ta justifikuar.
“Tashmë që këto prentendime të rreme janë bërë, ne duhet të qëndrojnë vigjilentë, për shkak se është e mundur që vetë Rusia , mund të planifikojë operacione të armëve kimike nën këtë fabrikim të gënjeshtrave”- tha Stoltengerg, duke shtuar se kjo do të përbënte një krim lufte.
Ai shtoi se pavarësisht se banorët e Ukrainës po i rezistojnë sulmit rus me kurajo, ditët në vijim do të jenë akoma më të vështira.
Forcat ruse raportohet se kanë sulmuar një njësi ushtarake të Ukrainës pranë kufirit me Poloninë, që është sulmi më perëndimorë deri më tani.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.