Rusia në gradë të investimeve – S&P rrit vlerësimin e borxhit sovran në BBB-, ul perspektivën
Standard & Poors rriti vlerësimin e borxhit sovran të Rusisë në BBB- nga BB+, duke e çuar në gradë investimi, por uli perspektivën në të qëndrueshme nga pozitive.
Rritja e vlerësimit reflekton përgjigjen politike të Rusisë, që la ekonominë të përshtatet me çmimet më të ulëta të lëndëve të para dhe sanksionet ndërkombëtare.
Sipas deklaratës së agjencisë, hapat e ndërmarra nga banka qendrore e Rusisë kanë ruajtur stabilitetin financiar.
Pozicionet e forta neto në aktive të jashtme, borxhi i ulët qeveritar dhe mbështetja e lartë me fleksibilitet monetar, kanë sjellë rritjen e vlerësimit, deklaron S&P.
Rimëkëmbja e ekonomisë ruse pritet të vazhdojë deri në vitin 2021 dhe agjencia projekton një rritje të PBB me 1.8% këtë vit.
Sanksionet ndërkombëtare dhe tensionet gjeopolitike do të vazhdojnë të kufizojnë trendin e rritjes për Rusinë dhe përpjekjet për të diversifikuar ekonominë në një kohë të pasigurive nga investitorët.
Washingtoni vendosi sanksione ndaj Rusisë për aneksimin e Krimesë në 2014-ën, sanksione që shënjestronin disa nga sektorët më të rëndësishëm të ekonomisë, duke limituar financimin e disponueshëm të SHBA ndaj disa prej sipërmarrjeve më të mëdha ruse të energjisë dhe bankave.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.