Sa borxh i kanë shqiptarët shtetit në 10 vitet e fundit? Zbardhet shifra e detyrimeve të papaguara në dogana e tatime për 1996-2016
Këtë javë qeveria shqiptare miratoi amnistinë që fal një serë gjobash e penalitetesh për individët dhe bizneset.
Në kuadër të kësaj nisme, qeveria shqiptare ka përllogaritur se sa është masa e borxhit që individët dhe bizneset i detyrohet organeve doganore e tatimore. “Referuar të dhënave zyrtare të Ministrisë së Financave, borxhi tatimor e doganor rezulton në vlerë 172.50 miliard lekë” raporton “SCAN”
Nga ky total borxhi, në dogana përllogaritet vlera 147.7 miliard lekë dhe është akumuluar në periudhën 1996-2016.
Ndërkohë, borxhi në tatime është përllogaritur në periudhën 2000-2016 dhe është në vlerë 24.8 miliard lekë.
Në rast se amnistia arrin rezultatin e pritshëm, ajo parashikon të fshijë potencialisht 90.97 miliard lekë detyrime të papaguara ku përfshihen jo vetëm detyrimet tatimore e doganore por edhe detyrime të tjera. Kjo nënkupton se sërish, edhe pas amnistisë, në regjistrin e borxheve që janë për t’u mbledhur nga shteti shqiptar do të vijojnë të mbeten 81.5 miliard lekë.
k.k/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.