Sa ditë në izolim iu deshën vendeve evropiane për të luftuar virusin – Karantinimi duket se po fiton kundër Covid-19

Tre vende evropiane të goditura më shumë nga koronavirusi kanë filluar të tregojnë shenja të hershme të ngadalësimit të virusit, afërsisht tre javë pas datës së karantinimit të tyre.

Të gjithë, Italia, Spanja dhe Franca raportuan ulje në numrin e vdekjeve të tyre ditore nga virusi të dielën. Ata gjithashtu kanë filluar të tregojnë një nivelim në shkallën e tyre të rasteve të reja.

Në Itali, 21 ditë në bllokim, më 30 mars, rastet e reja të virusit ranë nga 5,217 në 4,050, më shumë se një mijë më pak. Që nga ajo kohë, ato raste janë rritur vetëm në mënyrë të moderuar, duke lëvizur midis 4,000 në 4,800 në ditë, më e ulët se kulmi i 21 Marsit prej 6,557.

Në Spanjë, gjithashtu janë dashur rreth 21 ditë për indikacione të ngjashme për të treguar zbritje në numrin e vdekjeve të vendit dhe shkallët e infektimit të ri. Pasi u fut në bllokim në 14 Mars, vendi filloi atë që është bërë rënia e saj e tretë e vdekjeve nga virusi në 3 prill, duke regjistruar 850 vdekje. Deri të dielën, kjo shifër ra në 694.

18 ditë pasi filloi bllokimi, 518 njerëz u regjistruan të vdekur nga virusi të dielën në Francë, një rënie e madhe nga kulmi i vendit prej 1.355 në 2 Prill. Megjithatë, numrat e së dielës tregojnë vetëm një kthim në nivele afërsisht të ngjashme me ato të regjistruara para kësaj 2 prillit.

D.B – SCAN
Burmi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.