Sa do zgjasë mbrojtja nga vaksina? Kreu i Moderna flet për disa vite, por duhet më shumë kohë për ta vlerësuar
Ekzekutivi i Moderna, Stephane Bancel, tha se vaksina e Covid-19 kas gjasa të ofrojë mbrojtjte për disa vite, pavarësisht se duhen më shumë të dhëna për ta vlerësuar përfundimisht. Kompania e bioteknologjisë në SHBA, që befasoi botën vitin e kaluar duke prezantuar një vaksinë kundër koronavirusit në vetëm pak javë, mori miratim të injeksionit nga Komisioni Europian më datë 6 Janar. Duke patur parasysh se zhvillimi i vaksinës dhe monitorimi kërkon disa vite, zgjatja e mbrojtjes së Covid-19 është nga pikat kryesore që shkencëtarët dhe rregullatort po përpiqen të zbulojnë.
“Skenari i frikshëm i përshkruar nga mediat se vaksina do funksionojë për vetëm 1 muaj apo 2, nuk ka gjasa të ndodhë. Ne mendojmë se mbrojtja me shumë mundësi do zgjasë për disa vite. Pyetja qëndron tek të moshuarit, pasi kjo është e vërtete për çdo virus. Sistemi imunitar i të moshuarve dobësohet me kalimin e kohës.”
Stephane tha se Moderna ka fabrikat e veta, por ato nuk mjaftojnë për miliarda doza të vaksinave, e për rrjedhojë firma e farmaceutikës Lonza po ofron ndihmë në kapacitet dhe punonjës. Ai shtoi se kompania e tij do të vetëtojë së shpejti se vaksina është gjithashtu efektive ndaj varianteve të koronavirusit të vëzhguara në Britani dhe Afrikën e Jugut. Shkencëtarët kanë thënë se vaksinat do jenë njësoj efektive kundër të dy varianteve.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.