Sa duhet të jetë kohëzgjatja e pushimeve për t’u quajtur ideale?
Të gjithë i pëlqejmë pushimet e madje nëse është e mundur do të dëshironim të kishim sa më shumë prej tyre në mënyrë që të pushonim, udhëtonim e pse jo të bënim gjithçka që dëshirojmë pa e vrarë mendjen për punën tonë.
Sipas një studimi të publikuar në “Journal of Happiness studies, kohëzgjatja ideale e pushimeve është tetë ditë.
Siç vënë në dukje studiuesit, një pushues duhet të ndjejë një rritje të lumturisë disa ditë përpara se të fillojë pushimet dhe do të vazhdojë ta ketë këtë ndjenjë deri në ditën e tetë të pushimit.
Për më tepër një udhëtim 8 ditor i jep udhëtarëve kohë të mjaftueshme për të shpaketuar, për t’u vendosur e më pas për t’u relaksuar.
Sipas studiuesve përfitimet e një pushimi 8 ditor janë të shumta, ju do të filloni të flini më mirë, të ndieni më pak stres dhe të përjetoni një ndjesi mirëqenieje dhe shumë kohë pasi të jeni kthyer nga pushimet.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.