Sa e ka goditur Covid shëndetin e shqiptarëve? 52 % e të prekurve janë gra e vajza. Shifra e të prekurve po shkon në 30 mijë

Që nga konfirmimi i rastit të parë me Covid-19, 46 javë më parë, në Shqipëri janë konfirmuar në total 29 mijë e 837 raste infektimi. Shifra u bë e ditur nga ministrja e Shëndetësisë Ogerta Manastirliu e cila dha detaje të impaktit që virusi ka shkaktuar në Shqipëri për jetët njerëzore.  Nga të prekurit, rezulton se 48 % janë meshkuj dhe 52 % janë femra.

“Sa i përket fataliteteve aktualisht kemi 646 humbje jete. Mortaliteti mbetet më i ulët se mesatarja e vendeve të rajonit” tha ministrja.

Por javët e fundit, ministrja evidentoi se ka pasur një rritje të ndjeshme të humbjes së jetëve njerëzore.

Situata në spitale, sipas ministres mbetet nën kontroll.

“Në të tre strukturat e dedikuara të trajtimit aktualisht kemi të zëna 420 shtretë,15-20 % e shtretërve është dinamika e shtretërve të lirë. Ndërkohë struktura e katërt Covid 4 është gati në momentin që do të kemi një zënie të shtretërve në tre struktuart e para” tha ministrja.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.