Sa fitojnë kompanitë me naftën 260 lekë/litër? – Sejdarasi: Po të zbresim kostot për fuçi, taksat e shpenzimet, fitimi kolosal 40-60 lekë
Ish-Kreu i Shoqatës së Hidrokarbureve thotë se me çmimin prej 260 lekësh të naftës apo benzinës, kompanitë tregtuese po prekin sigurojnë marzhe shumë të larta fitimi që luhaten në vlerën 40-60 lekë për litër. Në një intervistë ekskluzive për Scan TV, Bardhi Sejdarasi llogarit çmimet e bursës për t’i shtuar rreth 14 taksat e tarifat me të cilat ngarkohen produktet hidrokarbure, ashtu si dhe kostot e tjera të mundëshme. Ai thotë se aktualisht kompanitë e kanë blerë naftën shumë më herët, me vlera shumë më të ulëta, por një Udhëzim i Ministrisë së Financave përcakton se çmimi referencë aplikohet ditën që hidrokarburet dalin nga magazine doganore, dhe jo ditën e blerjes me shumicë të sasive të karburanteve.
Kompanitë shqiptare të naftës rritën pak ditë më parë në 260 lekë çmimin për litër, menjëherë pasi çmimi për fuçi në tregjet ndërkombëtare preku vlerën 130 dollarë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.